“Waa ciyaaryahan aan caadi aheyn” Xavi oo Amaan Kala Dul dhacay Laacibka Manchester United kahor Kulanka Caawa ee Europa League

Macalinka Barcelona Xavi ayaa Arbacadii la hadlay warbaahinta, isagoo isku diyaarinaya kulanka la wada sugayo ee Europa League oo ay caawa Old Trafford kula ciyaari doonaan Manchester United. Xiisada ayaa u muuqata mid labada dhinacba u muuqan karta maadaama bar bar dhacu uu ka taagan yahay meel dhuuban ka dib markii ay barbaro 2-2 ah ku kala baxeen lugtii hore.

Tani waxay ka dhigtay Bluagrana iyo Red Devils inay baahi u qabaan guul si ay u xaqiijiyaan u soo gudubka 16-ka, cadaadiska ayaana sii kordhaya.

Xavi ayaa soo galiyay su’aalo ku saabsan qorshaha ciyaarta Red Devils iyo awooda weerarka ee weeraryahanka qaab ciyaareedka fiican ku jira ee Marcus Rashford.

Waxa kaliya oo uu lahaa erayo ammaan ah oo uu ku amaanayo weeraryahankii ka xanaajiyay, kaasoo gool ka dhaliyay Blaugrana Camp Nou isbuucii hore xavi ayaa yidhi isoo lahad laya wargeysyada 

“Waa ciyaaryahan aan caadi aheyn, qaab ciyaareed fiican ku jira, gool dhalinaya, waa farqiga u sameeye United, laakiin taasi waa, waxaan isku dayi doonaa inaan sameyno waxa aan mar walba ku sameyno daafaca, islamarkaana aan muujino shaqsiyadayada, lakiin waa ciyaaryahan aan u baahanahay inaan isha ku heyno.”

Marcus Rashford wuxuu ahaa ciyaaryahan muhiim u ah Manchester United , isagoo si joogta ah u soo bandhigaya qaab ciyared wanagsan. Waxa uu kasoo muuqday afar kulan oo Carabao Cup ah, isagoo dhaliyay afar gool iyo labo caawin.

Rashford ayaa door weyn ka qaatay guushii ay Man United ka gaadhay Everton koobka FA Cup-ka isaga oo dhaliyay 2 gool sidoo kale caawiye ka noqday. 

Rashford ayaa sidoo kale shabaqa soo taabtay kulankii Europa League, isagoo gool muhiim ah ka dhaliyay Barcelona ciyaar ka dhacday Camp Nou

Tan iyo markii la soo gabagabeeyay koobkii adduunka, xiddiga reer England ayaa saftay 10 kulan oo horyaalka ah, waxaana uu dhaliyay 10 gool iyo hal caawin. 

Taas ayaa la macno ah in Rashford uu dhaliyay 17 ka mid ah 17-kii kulan ee uu ciyaaray tan ilaa koobka adduunka isaga oo wadar ahaan dhaliyay 17 gool iyo afar caawin.

Weeraryahanka United ayaa shaki la’aan ku socda wadadii uu ku qaadan lahaa xilli ciyaareedkiisii ​​ugu fiicnaa abid. Tani waxay ku qasbi doontaa difaaca Barcelona inay taxadar muujiyaan, maadaama ay doonayaan inay ku aamusiyaan gooldhaliyaha cajiibka ah hortiisa taageerayaashiisa Old Trafford.

Waxaa laga yaabaa inaysan u fududaan ciyaartoyda Xavi, iyadoo Rashford uu sii wado inuu horumar sameeyo, taageerayaashu waxay u heellan yihiin inay arkaan haddii uu ka caawin karo Manchester United inay u soo baxdo wareega 16ka Europa League.