Pep Guardiola ayaa shaaca ka qaaday sababta uusan wax badal ah u isticmaalin kulankii Manchester City barbaraha la gashay RB Leipzig

Tababaraha Manchester City Pep Guardiola ayaa kajawaabay su’aalo la xiriira inuusan sameynin hal bedel intii lagu jiray kulankii ay kooxdiisu la ciyaartay RB Leipzig.Cityzens ayaa u safartay garoonka Red Bull Arena ee dalka Jarmalka lugta hore ee wareega 16ka UEFA Champions League Arbacadii, Febraayo 23.

Inkasta oo ciyaarta ay noqotay barbaro 1-1 ah daqiiqadii 70aad, Guardiola ma uusan isticmaalin hal badal midkoodna.

Ciyaarta ka dib, taatikolaha reer Spain ayaa wax laga waydiiyay sababihii uu ku dhaliyay isla kulankaas in uuna badal samayn. Wuu ku jawaabay (sida laga soo xigtay @CityXtra on Twitter):

“Ma ahan in haddii aan shan bedel sameeyo, ay tahay in aan beddelo. Anigu waxaan ahay maamule fiican si aan u ogaado waxa aan sameeyo iyo in kale. Waxaa laga yaabaa in lugta labaad aan go’aansado inaan waalan doono oo aan la ciyaaro sagaal weeraryahan”

Halka Manchester City aysan isticmaalin mid ka mid ah shantii bedel ee ay samaysay, Leipzig ayaa isticmaashay dhamaantood. Waxay keeneen ciyaartoy sida Christopher Nkunku, Amadou Haidara, iyo Yussuf Poulsen qeybtii labaad.

Inkastoo uusan ciyaartoy ka keenin kursiga keydka, Guardiola wuxuu soo xushay shax adag. Erling Haaland, Riyad Mahrez, Jack Grealish, Bernardo Silva, Rodri, Ilkay Gundogan, iyo Kyle Walker ayaa dhamaantood ku soo bilawday kulankii Leipzig.

Manchester City ayaa ku gacan sarreysay qeybta hore ee kulanka UEFA Champions League ee ay Arbacadii la ciyaareen RB Leipzig . Cityzens waxa ay ku raaxaysanayeen 74% kubad haysashada,waxa ay diwaan galiyeen todobo laad iyaga oo kooxda ka soo horjeeda ka dhigay hal kaliya,waxana ay dhamaystireen 403 baas oo ay u dhiibeen kooxda martida loo ahaa ee 123.

Bilawgii wacnaa ee ay ciyaarta ku bilowdeen ayaa sidoo kale lagu abaal mariyay Riyad Mahrez oo dhaliyay gool caawin uu ka helay Ilkay Gundogan daqiiqadii 27-aad. Si kastaba ha ahaatee, City ayaa awoodi weyday inay wax ka dhaliso qeybta labaad ee ciyaarta, waxaana ay u ogolaatay kooxda martida loo ahaa ee ciyaarta.

Leipzig ayaa dhamaadkii ciyaarta si dirqi ah ugu soo laabatay kubbad haynta 51% waxayna abuurtay saddex fursadood oo waa wayn, halka kooxda martida ahayd aysan wax fursad ah helin.

Kooxda Bundesliga ka dhisan ayaa sidoo kale diiwaan galisay lix laad, oo seddex ka mid ah ay ahaayeen bartilmaameed, halka City ay hoos u dhigtay shan darbo iyo hal kaliya oo goolka ah.

Ugu danbeyn waxa ay heleen gool barbardhac ah oo ay u qalmeen Josko Gvardiol ayaa madax ku dhaliyay kubad uu soo karoosay Marcel Halstenberg ka dib koorno uu soo tuuray daqiiqadii 70-aad.

Natiijadan waxay la macno tahay in Manchester City ay sii ahaan doonto guul la’aan laba jeer oo ay booqatay Red Bull Arena, iyagoo 2-1 looga badiyay kulan ka tirsan heerka guruubyada Champions League bishii December 2021.