Sir Alex Ferguson oo Bixiyay Jawaab Layaableh Kadib Markiiba Wax Laga Waydiiyay Kooxda Horyaalka Kuguulaysan Karta

Halyeeygii hore ee Manchester United Sir Alex Ferguson ayaa diiday inuu doorto midka Arsenal ama Manchester City ku guuleysan doona horyaalka Premier League. Scot-ka ayaa dagaal la galay labada naadi waqtigii uu ku sugnaa garoonka Old Trafford.

Ferguson waxa uu joogay Cheltenham si uu u daawado tartanka fardaha markii wax laga waydiiyay tartanka horyaalka. Soo-jeediyaha tartanka ITV Matt Chapman ayaa isku dayay inuu helo fikradda maareeyaha caanka ah ee Scotland laakiin waxaa la siiyay jawaab degdeg ah:

“Ma xiisaynayo.”

Ma ahan wax la yaab leh marka la eego xiriirka Ferguson iyo Manchester United. Tababaraha reer Scotland ayaa si joogto ah isaga hor iman jiray kooxaha Arsenal iyo Manchester City intii uu ku jiray xirfadiisa tababarenimo.Waxa uu mid ka mid ah xifaaltankii ugu weynaa taariikhda Premier League la galay tababarihii hore ee Gunners Arsene Wenger intii lagu jiray 17 xilli ciyaareed.

Dhanka kale, City waxa ay u kacaysay sidii deris buuq badan oo United ah, si la mid ah markii uu tababarihii hore ee Red Devils uu shaqada ka fadhiistay 2013kii.

Tartanka horyaalka Premier League ee haatan waa mid xiiso leh iyadoo Arsenal ay ku fadhiso hogaanka horyaalka iyadoo shan dhibcood ka sareysa Manchester City oo kaalinta labaad ku jirta. Waxaa jiray gunuus yar oo ku saabsan in Manchester United ay ku jirto sawirka horyaalka.

Si kastaba ha ahaatee, kooxdii hore ee Ferguson ayaa guuldaro niyad jab leh kala kulantay Liverpool 7-0 . Waxay taasi raacday barbardhac 0-0 ah oo ay gurigooda kula galeen Southampton Axadii hore (12-kii Maarso). Erik ten Hag wiilashiisa ayaa Gunners ka dambeeya 16 dhibcood laakiin kulan ayaa gacanta ku haya. Looma baahna in la sheego, iyada oo 12 ciyaarood oo kaliya ay hadhsan yihiin, waxay u badan tahay inaysan u tartamin.