Kylian Mbappe oo Magacaabay Kooxda ree Talyaani ee u Kubiiri Lahaa Hadii uu Tago Italy

Xiddiga kooxda Paris Saint-Germain ee Kylian Mbappe ayaa Ac Milan u magacaabay kooxda kaliya ee uu ku biiri lahaa hadii uu waligeed ka ciyaari lahaa horyaalka Serie A-da.

Xiddiga reer France ayaa u sheegay taageere kadib Abaalmarinta FIFA Best Isniintii in uu ku biiri doono Rossoneri hadii uu u dhaqaaqo Italy.

Kylian Mbappe ayaa loo magacaabay FIFA FIFPRO Men’s World 11 habeenimadii isniinta, ka dib xafladii lagu qabtay Paris, taageere ayaa ka codsaday inuu u wareego Seria A.

Superstar- ka PSG ayaa si degdeg ah ugu jawaabay inuu u dhaqaaqi doono AC Milan kaliya hadii uu waligiis u dhaqaaqo Serie A.

AC Milan ayaa la og yahay inay tahay kooxda uu Mbappe ugu jecel yahay Talyaaniga, wuxuuna jacaylkiisa Rossoneri ka muujiyay sannadkii hore wareysi uu siiyay Gazetta dello Sport.

Ciyaaryahanka heerka caalami ee dalka Faransiiska ayaa sheegay inuu caruurnimadiisii ​​lahaa gabar Talyaani ah isla markaana uu waqti la qaatay qoyskeeda oo dhamaantood taageere u ahaa Milan. Superstar-ka PSG ayaa shaaca ka qaaday inuu taageeray Rossoneri isla markaana uu si joogto ah u daawan jiray ciyaarahooda.

Wuxuu u sheegay Gazzetta, sida laga soo xigtay Football Italia:

“Xiriirka aan la leeyahay Milan waa mid gaar ah. Carruur ahaan, waxaan lahaa gabadh Talyaani ah, waxaanan waqti badan la qaatay qoyskeeda, dhammaan taageerayaasha Milan, Marka, iyaga oo ku mahadsan, waxaan sidoo kale ku farxay ‘Rossoneri’ oo aan daawaday ciyaaro badan oo Milano ah.”

Superstar-ka PSG ayaa sidoo kale la sawiray isaga oo da’diisu yartahay isaga oo waraysi bixinaya isaga oo xidhan maaliyada AC Milan.

Dhanka kale PSG ayaa ku jirta xaalad qalafsan iyadoo Kylian Mbappe ay afar bilood oo kaliya ka harsan tahay inuu qandaraaska u kordhiyo sanad kale.

Waxaa lagu soo waramayaa inuu u saxiixay qandaraas seddex sanno ah kooxda heysata horyaalka Faransiiska ka hor ololaha 2022-23. Si kastaba ha ahaatee, sida laga soo xigtay L’Equipe, waxay ahayd qandaraas laba sano ah oo uu la galay xiddiga reer France isagoo leh ikhtiyaar uu ku kordhiyo xilli ciyaareed kale.

Xaaladan ayaa la macno ah in dhamaadka xilli ciyaareedkan uu xiddigu gali doono 12-ka bilood ee ugu dambeeya heshiiskiisa Parc des Princes.