Eden Hazard ayaa xaqiijiyay inuu go’ay xiriirka Real Madrid iyo Carlo Ancelotti

Xiddiga kooxda Real Madrid ee Eden Hazard ayaa shaaca ka qaaday heerka uu gaarsiisan yahay xiriirka xumaaday isaga iyo Carlo Ancelotti.

Hazard ayaa waqti xun ku soo qaatay Madrid, dhaawacyo iyo is-waafaq la’aan darteed, iyadoo garabkii hore ee Chelsea uu ku dhibtoonayay inuu la jaan qaado qaab ciyaareedkiisa taasoo ku qancisay Real Madrid inay bixiso 100 milyan euro 2019.

32-sano jirkaan ayaa qirtay inuu ka careysan yahay la’aanta waxqabadka koowaad ee Los Blancos, maadaama Ancelotti uu ka saaray kooxda koowaad.

Ma uusan ciyaarin hal daqiiqo oo horyaalka La Liga ah ama Champions League tan iyo markii uu ka soo laabtay Koobka Adduunka, inkastoo uu taam u yahay inuu ciyaaro.

Hazard ayaa ka hadlay xaalada, isagoo sidoo kale qirtay go’aankii uu kaga fariistay ciyaaraha caalamiga ah ee Belgium inay saameyn weyn ku yeelatay inuusan ka ciyaarin Madrid.

“Waxaan jeclaan lahaa inaan joogo. Weligay sidaas ayaan idhi. Waxaan rajeynayaa inaan ciyaaro oo aan muujiyo inaan weli sameyn karo”, sida ku cad warbixinnada Diario AS.

“Dadku waxay qabaan shaki, taasi waa wax iska caadi ah, waan fahmay. Laakiin aniga, weli halkan ayaan joogaa sanadka soo socda. Weligaa ma ogaan kartid, laakiin wareejintu kuma jirto qorshahayga.

“Waxaa jirta ixtiraam u dhexeeya Ancelotti iyo aniga. Laakiin, ma odhan doono waan wada hadalnaa, sababtoo ah ma nihin, Laakiin had iyo jeer waxaa jiri doona ixtiraam.

“Waa inaan ixtiraamaa nin sida Ancelotti oo kale ah. Wixii uu u matalo kubada cagta, iyo waxa uu ku sameeyay xirfadiisa ciyaareed. ”

Real Madrid ayaa u furan inay iibiso Hazard xagaagan, maadaama uu galayo 12-ka bilood ee ugu dambeeya qandaraaskiisa, iyadoo ay macquul tahay inuu xagaaga dambe kaga tago lacag qaali ah.