Carlo Ancelotti ayaa soo saaray go’aan ku saabsan tartanka horyaalka ee Barcelona ka dib markii Real Madrid ay barbaro 0-0 ah la gashay Betis.

Tababaraha kooxda Real Madrid Carlo Ancelotti ayaa la wadaagay fikirkiisa ku aadan tartanka horyaalka La Liga ee Barcelona kadib bar-barihii ay kooxdiisu la gashay Real Betis Axadii 5-tii March.

Los Blancos ayaa fursado badan ka abuurtay Benito Villamarin iyaga oo isku dayay 15 laad oo ay 5 gool ahaayeen. Hase ahaatee waa ay ku guuldareysteen in ay gool dhaliyaan ciyaarta ayaana ku soo idlaatay gool la’aan.

Real Madrid ayaa hadda ka danbeysa kooxda ay xifaaltamaan ee Barcelona oo 1-0 ku garaacday Valencia gurigeeda goor hore oo maanta ah, iyadoo sagaal dhibcood ku haysa hogaanka horyaalka La Liga. Isagoo ka hadlayay tartanka horyaalka ka dib barbarihii ay la galeen Real Betis, Ancelotti wuxuu yiri.

“Weli ma dhammaan. Sagaal dhibcood ayaa badan, laakiin waa inaan dagaalannaa ilaa dhamaadka.”

Bar-baraha ayaa yimid kadib markii ay guuldarro 1-0 ah ka soo gaartay Barcelona lugtii hore ee semi-finalka Copa Del Rey, Los Blancos ayaa sidoo kale abuurtay fursado badan kulankaas laakiin waxa ay ku fashilantay in ay hal darbo oo bartilmaameed ah hesho, Dhanka kale mid ka mid ah labadii isku day ee ay Blaugrana samaysay ayaa ku dhamaatay gool.

Isaga oo muujinaya hufnaan la’aanta goolka hortiisa, Ancelotti wuxuu yiri,

“Kani wuxuu ahaa kulan furan, waana waxa aan rabnay, laakiin uma maleynayo inaan aad u fiicneyn markii ciyaarta ay furneyd qeybtii hore ee ciyaarta. Waxaan filayaa inaan si fiican u samaynay 30kii daqiiqo ee u dambeeyay.

“Waxaan ku soo galnay [Dani] Ceballos 4-3-3. Dhibaatadu waxay tahay in ay naga maqan tahay hufnaan xagga hore. Waxaan sameyneynaa hal dhibic oo aad u badan, mid baas badan, mid-labo aad u badan.

Wuxuu intaas ku daray:

“Tani waa sababta aynaan wax gool ah u dhalin saddexdii kulan ee ugu dambeeyay, marka laga reebo hal gool oo go’an. Maanta, waxaan helnay seddex ama afar fursadood oo cad, Waan ognahay halka ay dhibatada naga jirto hadda. Waxaan si fiican uga shaqeyneynaa dhanka daafaca, laakiin ma fiicneyn dhanka weerarka.

“Waxaan u baahanahay dheelitirnaan. Waxaan u baahannahay inaan ku wanagsanno dhabarka iyo sidoo kale dhanka hore ee hore, Waa dhibaato wadajir ah oo go’aannada shakhsi ahaaneed.”

Real Madrid ayaa haatan guul la’aan ah saddexdii kulan ee ugu dambeeyay tartamada oo dhan.